विविध योजनांचा लाभ घेण्यासाठी शेतकऱ्यांना फार्मर आयडी बनविणे बंधनकारक

 

           गोंदिया, दि.14 : शासकीय आधारभुत किंमत खरेदी योजनेअंतर्गत खरीप पणन हंगाम 2026-27 मधील शेतकरी नाव नोंदणी बाबत शासनाकडून सूचना प्राप्त झालेल्या आहेत. सदर शासन निर्णयात ऑनलाईन नाव नोंदणीकरीता कृषि विभागाकडून लागु करण्यात आलेल्या ॲग्रीस्टॅक (AgriStak) या संकेतस्थळावर नोंदणी करुन फार्मर (Farmer) आयडी बनविणे बंधनकारक केलेले आहे. त्यानुसार जिल्ह्यातील सर्व धान उत्पादक शेतकऱ्यांनी कृषि विभागाच्या ॲग्रीस्टॅक (AgriStak) या संकेतस्थळावर आपले आधार क्रमांक, मोबाईल नंबर व पीक पेरा नोंद असलेले 7/12 उतारे घेऊन नोंदणी करावी व फार्मर आयडी (Farmer ID) तयार करुन घ्यावी. असे आवाहन जिल्हा पणन अधिकारी मनोज बाजपेयी यांनी केले आहे.

                                                 0000000