नविन न्यायालय व जिल्हा वकील संघाच्या बार रुमचे उद्घाटन आज

 

         गोंदिया, दि.7 : जिल्हा विधी सेवा प्राधिकरण, जिल्हा न्यायालय गोंदिया येथील सर्व न्यायाधीश व जिल्हा वकील संघ तसेच गोंदिया जिल्हा न्यायालयीन कर्मचारी संघटना यांच्या संयुक्त विद्यमाने दि.8 ऑगस्ट 2026 रोजी सकाळी 9.45 वाजता एम.डब्ल्यु. चांदवाणी, पालक न्यायमूर्ती नागपूर यांच्या प्रमुख उपस्थितीत नविन न्यायालय व जिल्हा वकील संघाच्या बार रुमचे उद्घाटन होणार आहे.

          तसेच पालावरची शाळा कुडवा, स्व. जमनाबाई निवासी मतीमंद मुला-मुलींची शाळा उमरी/सावरटोला, ता. अर्जुनी मोरगाव व मानवता मतीमंद मुलांची निवासी शाळा खोगरला, ता. आमगाव यांना मदतीचे साहित्य वितरण करण्यासाठी कार्यक्रमाचे आयोजन करण्यात आले आहे. असे सचिव, जिल्हा विधी सेवा प्राधिकरण, गोंदिया यांनी कळविले आहे.

                                                                0000000