माहिती व जनसंपर्क
महासंचालनालयाचे प्रकाशन
माहिती
व जनसंपर्क महासंचालनालयाकडून प्रकाशित करण्यात आलेल्या महाराष्ट्र
वार्षिकी-2018 हा ज्ञान व माहितीचा खजिना असलेला संदर्भ ग्रंथ नविन आकर्षक
स्वरुपात वाचकांसाठी उपलब्ध झाला आहे. या संदर्भ ग्रंथात महाराष्ट्रातील विविध
क्षेत्रातील माहिती आकडेवारीसह देण्यात आली आहे. महाराष्ट्राचा इतिहास, वन, नदया,
कृषि, क्रीडा, कला, साहित्य, पुरस्कार आदी घटकांचा यात समावेश करण्यात आला आहे.
या वार्षिकेचे महत्वाचे वैशिष्ट्ये म्हणजे
शासनाच्या सर्व विभागांच्या कामकाजाची पध्दती, संरचना, महत्वाचे निर्णय, धोरणे,
योजना, दूरध्वनी यांची एकत्रित माहिती अभ्यासकांना यात उपलब्ध होणार आहे. याशिवाय
मंत्रीमंडळाचे निर्णय, महाराष्ट्र शासनाशी संबंधित गेल्या वर्षभरातील घडामोडींचा
यात समावेश केला आहे. भारताचे राष्ट्रपती, उपराष्ट्रपती, प्रधानमंत्री,
उपप्रधानमंत्री, केंद्राचे व राज्याचे मंत्रीमंडळ, आजवरचे विधानसभा अध्यक्ष व
उपाध्यक्ष, महाराष्ट्र विधानपरिषदेचे सभापती व उपसभापती, महाराष्ट्र विधीमंडळ सदस्यांची
यादी, जिल्हास्तरीय अधिकाऱ्यांचे दूरध्वनी क्रमांकाची माहिती या महाराष्ट्र वार्षिकेत
समाविष्ट करण्यात आल्याने हा संदर्भ ग्रंथ प्रत्येक वाचकांच्या संग्रही असणे
आवश्यक आहे.
माहिती
व जनसंपर्क महासंचालनालयाने प्रकाशित केलेल्या महाराष्ट्र वार्षिकी-2018 हा संदर्भ
ग्रंथ विविध स्पर्धा परीक्षा देणारे विद्यार्थी, अभ्यासक, प्राध्यापक, पत्रकार,
लोकप्रतिनिधी, अधिकारी व सामान्य ज्ञानाची आवड असणाऱ्या सर्व नागरिकांना उपयुक्त
आहे. महाराष्ट्राची अधिकृत वस्तुनिष्ठ माहिती देणाऱ्या संदर्भ ग्रंथाची गरज अनेक
वर्षापासून वाचकांनी व्यक्त केली होती. महासंचालनालयाचे महासंचालक ब्रिजेश सिंह
यांच्या संकल्पनेतून तयार झालेल्या महाराष्ट्र वार्षिकी-2018 या संदर्भ ग्रंथाच्या
रुपाने ही गरज पूर्ण झाली आहे.
महाराष्ट्र
वार्षिकी-2018 या संदर्भ ग्रंथाची किंमत फक्त 250 रुपये आहे. या संदर्भ ग्रंथासाठी
जिल्हा माहिती कार्यालय, न.प.इंजिन शेड शाळा, मेठी बगीच्या समोर, सिव्हील लाईन,
गोंदिया येथे प्रत्यक्ष किंवा या कार्यालयाच्या 07182-237760 या दूरध्वनी
क्रमांकावर संपर्क साधावा. या संदर्भ ग्रंथाच्या प्रती स्पर्धा परीक्षा मार्गदर्शन
केंद्र तसेच पुस्तक विक्रेत्यांना सवलतीच्या दराने उपलब्ध करुन देण्यात येईल.
संदर्भ ग्रंथाच्या मर्यादेत प्रती शिल्लक असल्याने वाचकांनी तातडीने जिल्हा माहिती
कार्यालयाशी संपर्क साधावा, असे आवाहन जिल्हा माहिती अधिकारी विवेक खडसे यांनी
केले आहे.
No comments:
Post a Comment