तिरोडा येथील जिल्हा
परिषद हायस्कुल व कनिष्ठ महाविद्यालय येथे आज 2 ऑक्टोबर रोजी मतदार जागृती
कार्यक्रमांतर्गत मतदार जागृती रॅलीचे आयोजन करण्यात आले. यावेळी जिल्हा
परिषद हायस्कुल व कनिष्ठ महाविद्यालयाच्या विद्यार्थांनी उत्स्फूर्त सहभाग
घेतला. रॅलीच्या माध्यमातुन मतदानाचा टक्का वाढावा आणि त्याचे महत्त्व कळावे. यासाठी विविध
प्रकारच्या घोषणांचे फलक हातात घेऊन विद्यार्थी घोषणा देत जनजागृती करीत होते. या रॅलीला प्राचार्य आर.वाय. जैतवार यांचे विशेष
मार्गदर्शन लाभले. या कार्यक्रमाला शाळेतील सर्व शिक्षक
शिक्षकेतर कर्मचारी उपस्थित होते. रॅलीला प्राचार्य श्री. जैतवार यांनी हिरवी
झेंडी दाखवून सुरुवात केली. ही रॅली जिल्हा परिषद हायस्कुल ते मोहनलाल चौक. गुरुदेव चौक, भूतनाथ मंदिर, राजेंद्र
प्रसाद प्राथमिक शाळा, सपना फॅशन चौक, पोलीस स्टेशन या
मार्गाने घोषणा देत विद्यार्थ्यांनी रॅलीचा समारोप केला.
No comments:
Post a Comment