डॉ.कादंबरी बलकवडे यांनी जिल्हाधिकारी पदाचा कार्यभार स्विकारला

        डॉ.कादंबरी बलकवडे यांनी आज 4 जून रोजी गोंदिया जिल्हाधिकारी पदाची सुत्रे स्विकारली. डॉ.बलकवडे हया सन 2010 च्या तुकडीतील भारतीय प्रशासकीय सेवेतील अधिकारी आहेत. सन 2015 पासून त्या महाराष्ट्रात कार्यरत आहेत. मूळच्या पंजाब राज्यातील असलेल्या डॉ.बलकवडे यांचे शिक्षण एम.बी.बी.एस.पर्यंत झाले आहे. नागपूर येथे त्यांनी अतिरिक्त जिल्हाधिकारी पदी, त्यानंतर नागपूर जिल्हा परिषदेच्या मुख्य कार्यकारी अधिकारी म्हणून त्यांनी काम केले आहे.