मुख्यमंत्री ग्राम सडक योजना रस्त्याचे भूमीपूजन

      

पालकमंत्री राजकुमार बडोले यांनी 25 फेब्रुवारी रोजी तिरोडा तालुक्यातील चुरडी फाटा येथे मुख्यमंत्री ग्राम सडक योजनेअंतर्गत चुरडी-चिखली-लेंडीटोला ते इंदोरा/खुर्द रस्त्याच्या 9 कि.मी.लांबीच्या दर्जोन्नती कामाचे भूमीपूजन केले. या कामावर 4 कोटी 50 लक्ष रुपये खर्च करण्यात येणार आहे. यावेळी प्रमुख अतिथी म्हणून आमदार विजय रहांगडाले, भाजपा जिल्हाध्यक्ष माजी आमदार हेमंत पटले, माजी आमदार भजनदास वैद्य, जि.प.उपाध्यक्ष रचना गहाणे, माजी जि.प.उपाध्यक्ष मदन पटले, जि.प.सदस्य रजनी कुमरे, पं.स.सदस्य पवन पटले, कृषि उत्पन्न बाजार समितीचे प्रशासक चिंतामन रहांगडाले, सलाम शेख, भाऊदास कठाणे, चुरडीचे सरपंच सचिन कराडे, मुख्यमंत्री ग्रामसडक योजनेचे कार्यकारी अभियंता श्री.नंदनवार यांची प्रामुख्याने उपस्थिती होती.